أجيال
أجيال كتير راحت
تعبت ولا ارتاحت
والأمة ما ارتاحت
على تعبى وجهادى
نفسى أشوف حلمى
وحلم أجدادى
قلبى اتعصر م النيل
على وطنى وبلادى
أجيال
نفسى اللى راح يرجع
ولو خدوا عمرى
والفجر لو يطلع
هسلمه أمرى
والصبر لو ينفع
كنت أنتظر أبدى
نفسى أشوف حلمى
وحلم أجدادى
قلبى اتعصر م النيل
على وطنى وبلادى
أجيال
أملى اللى ضاع تانى
أنساه وينسانى
من كتر أحزانى
هضغط على سنانى
هضغط على سنانى
هضغط على سنانى
نفسى أشوف حلمى
وحلم أجدادى
قلبى اتعصر م النيل
على وطنى وبلادى
أجيال
2 comments:
إيه ده يا علي
انت اللي كاتب الكلام ده؟؟
لو كده، أنا ممكن أبدأ أحترمك علي فكرة :)))
وحتي لو مش انت اللي كاتبها
كفاية أني أقرأها هنا :)
سلام والدعاء موصول.. يا خي
شكرا يا عمرو على تعليقك بس على فكرة أنا لما بكتب حاجة حتى لو مقتبسها من مكان تانى مش هنسبها لنفسى حتى ولو كنت معجب بيها لأن المهم الرسالة والهدف من الكلام هو اللى يوصل والمعنى مش مهم مين اللى قال حتى لو مكنتش أنا المهم كل اللى يقراها يحسها ويفهمها وتوصله معناها والمدونة بإشارتك ليها هنا مكنتش هتبقى مدونة غير بتوفيق ربنا ومساعدتك ليا ودخولك إنت وكل الأصدقاء فيها لجعلها حيوية بما فيه الكفاية
Post a Comment